Phoenix, 15 dhjetor – Mësuesja nga shteti amerikan Arizona ka fituar xhekpotin në loto prej 95.3 milionë dollarë, duke i dhënë fund pasigurisë dyjavore pas tërheqjes së numrave.
Sheila Verke nga Fort Mohave ka dorëzuar tiketën fituese te zyrtarët në Phoenix dhe ka vendosur të marrë çmimin në një pagesë të vetme prej 49.9 milionë dollarë.
Ajo ka deklaruar se planifikon të blejë veturë dhe të udhëtojë në gjithë vendin.
”Kjo do të ndryshojë jetën time dhe jetën e fëmijëve e nipërve të mi, si dhe miqve të mi”, ka thënë Verke, e cila është paraqitur para gazetarëve me miqtë dhe këshilltarët financiarë.
Kombinimi fitues ishte: 5, 10, 11, 12, 20, ndërsa si numër të dytë shtesë zgjodhi numrin 2. këta numra paraqesin kombinimin e ditëlindjes së saj dhe datat e lindjes së dy fëmijëve të saj.