Beckham, 900 sterlina në minutë te Tottenhami

Londër, 8 janar - 900 sterlina në minutë, përfshirë të drejtat e imazhit dhe paga, kjo është shifra, sipas medieve britanike, që do të marrë David Beckham për 8 javë që do të kalojë tek skuadra e Tottenham.
Pritet që skuadra e drejtuar nga Henri Redknap të zyrtarizojë këtë blerje brenda kësaj fundjave dhe të ketë në gatishmëri lojtarin për ndeshjen e së dielës në FA Cup përball Carltonit, njofton TCH.

Të njëjtën shifër pritet të fitojë edhe ekipi i White Hart Lane, sipas parashikimeve, vetëm nga fanellat që do të shesë, fitimet do të arrijnë shifrën e 2 milionë sterlinave.

Skuadra amerikane që ka kartonin e Beckhamit, LA Galaxy, duke kujtuar problemet që pati vitin e shkuar te Milani ku u dëmtua e qëndroi jashtë për 6 muaj, ka kërkuar edhe një siguracion të posaçëm për të për dëmtimet e mundshme.