Kapen me marihuanë të transportuar nga Peja

Beograd, 22 janar - Policia kriminalistike serbe ka arrestuar N. M., B. Lj. Dhe I. SH. Që të tre nga Peja, te të clët është gjetur sasia prej një kilogrami marihuane.

Këta tre persona janë arrestuar në fshatin Vitkovac, në rrugën Kralevë-Kragujevc pardje rreth orës 16:30 me një veturë “Fijat doblo”, me targa të Beogradit.

Policia ka bastisur automjetin dhe ka gjetur dy paketa me gjithsej 965 gramë marihuanë, që ishte fshehur në pjesën e bagazhit të automjetit.

Sipas medieve serbe, këtyre tre personave u është caktuara masa e paraburgimit prej 48 orëve, kurse pas këtij afati ata do të paraqiten paa gjykatësit hetues në Kralevë.