Vettel mbetet në Red Bull deri më 2012

Madrid, 27 janar - Sebastian Vettel do të vazhdojë me Red Bullin edhe një sezon tjetër, deri në vitin 2012, nëse do të arrijë në këtë sezon objektivat sportivë të përcaktuar në kontratën e tij, lajmëroi gjatë ditës e përditshmja spanjolle “Marca”.

Gazeta njoftoi se kontrata e Vettelit, ndonëse skadon në fundin e sezonit aktual, ka të përfshirë një sërë klauzolash për paraqitjen. Nëse gjermani do të arrijë të garojë me rendiment të lartë, kontrata do të rinovohet në mënyrë automatike edhe për një vit.

Për kampionin e botës në fuqi përflitet një kalim i mundshëm tek Ferrari, ku duhet të zëvendësonte Felipe Massan, për t’u shndërruar në shok skuadre me rivalin e tij më të madh, spanjollin Fernando Alonso.