Melbourne, 29 janar – Tenistja e Belgjikës, Kim Clijsters është fituese e turneut të hapur të tenisit në Australi, pasi sot në finale në arenën Rod Laver mposhti kinezen Li Na me 3:6, 6:3 dhe 6:3. ishte kjo paraqitja e ttë e saj në finale të turneve për grand slam dhe fitorja e katërt në turne të tilla më të vlefshme. Tre turne të tjera më parë i ka fituar në USA Open.
Pas një kohe të gjatë, adhuruesit e tenisit patën rastin që edhe në konkurrencën e femrave të ndjekin një duel të barabartë, përplot kthesa. Befasia e këtij turneu, kinezja 28-vjeçare Li Na, sidomos në fillim të meçit, tregoi lojë shumë të mirë dhe fitoi setin e parë. Seti i dytë ishte përplot kthesa, por kinezja më vonë humbi përqendrimin dhe Klijsters fitoi setin e dytë me mjaft mund, ndërsa në setin e tretë e pati më lehtë dhe kësisoj u bë fituesja e turneut të parë të sivjetmë të madh, atij Austrlaian Open.