Shorti i Champions: Anglezët e pafat

Nyon, 18 mars – Shorti i çerekfinales së Ligës së kampionëve ishte i pamëshirshëm për klubet angleze. Manchester United dhe Chelsea do të duhet të ndeshen që në këtë fazë dhe njëra nga to me siguri do të eliminohet, kurse skuadra e tretë angleze, Tottenhami “zgjodhi” për kundërshtar Real Madridin, që bashkë me Barcelonën janë dy favoritët kryesorë për titullin e skuadrës më të mirë evropiane në këtë edicion.

Mbase me fat mund të konsiderohet edhe Interi i Milanos, i cili do të ketë kundërshtar Schalken gjermane.

Për sa i përket Barcelonës, me siguri që ajo do ta dëshironte më shumë ekipin gjerman apo Tottenhamin për kundërshtar se sa ukrainasit e papërshtatshëm të Shakhtarit.

Çiftet e çerekfinales:

Real Madrid - Tottenham
Chelsea - Manchester Utd
Barcelona - Shakhtar
Inter - Schalke 04

Ndeshjet e para do të luhen më 5 dhe 6 prill, ndërsa ndeshjet e kthimit më 12 e 13 prill.
Në rast të fitoreve të Real Madridit dhe të Barcelonës, këto dy skuadra do të nedehsn në gjysmëfinale, derisa çiftin tjetër gjysmëfinalist do ta përbëjnë fituesit e ndeshjeve Chelsea – Manchester dhe Inter – Schalke.