Guardiola: Vetëm Shakhtarin nuk e kam dashur

Nyon, 18 mars – Trajenri i Barcelonës, Pep Guardiola nuk ishte aq i kënaqur pas tërheqjes së shortit të çerekfinales së Ligës së Kampionëve që do të ndeshet me ukrainasit e Shakhtiarit.
Ekipi ukrainas, siç dihet ka fituar në dy nga shtatë ndeshjet e zhvilluara me Barcelonën.
“Nuk e kam dashur Shakhtiarin sepse i njoh mirë dhe ‘nuk më pëlqejnë’ si rival”, porositi shkurt Guardiola.
Drejtori ekzekutiv i ekipit ukrainas, Sergej Palkin tha se ekipit të tij do t’i ndihmojnë shumë informacionet që do t’iu ofrojë mbrojtësi Dmitro Çigrinski, i cili vitin e kaluar ishte pjesë e Barcelonës. Sipas tij, “në këto momente nuk ekzistojnë gjëra të vogla, as detaje të parëndësishme. Çdo imtësi, qoftë ajo edhe më e vogla, është me rëndësi”, tha Palkin.

Në anën tjetër, drejtori i Realit të Madridit, Emilio Butraguenio i është gëzuar takimit të ekipit të tij me Tottenhamin.
Si një prej golashënuesve më të mirë të madrilenëve, Butraguenio më 1985 ka luajtur pikërisht kundër londinezëve të Tottenhamit, në kuadër të Kupës UEFF-a (tash Europa League) dhe atëbotë spanjollët kishin fituar si mysafir me rezultatin 1:0.
“Më gëzon fakti që do të jem sërish në stadiumin White hart line, kësaj here në rol tjetër. “mendoj se ky duel do të jetë fantastik, por edhe i vështirë për ne. Tottenhami ka disa futbollistë të shkëlqyerm pëfshi këtu edhe Rafael van der Vaartin, i cili më parë ka qenë anëtar i ekipit tonë. Jam i sigurt se kjo do të jetë motiv shtesë për lojë të tij kundër Realit”, është i bindur Butraguenio.