FSHF-ja hap sportel në Prishtinë

Prishtinë, 18 mars - Federata Shqiptare e Futbollit (FSHF) njoftoi të enjten se për herë të parë në historinë e ndeshjeve të ekipit kombëtar, FSHF-ja në bashkëpunim me kompaninë e kontraktuar për shitjen e biletave ("Tis Solution") do të hapë një sportel për shitjen e biletave në kryeqytetin e Kosovës.
"Një pjesë e madhe e tifozëve tanë janë kosovarë dhe për këtë arsye ishte e logjikshme që ne të kishim një sportel për shitjen e biletave edhe në Prishtinë", tha të enjten sekretari i FSHF-së Eduard Prodani.