Ingrid Gjoni për relaks me Stinen

Ka befasuar gjithmonë me gjetjet e saj skenike dhe të njëjtën gjë duket se do të bëjë edhe me klipin e fundit që është duke realizuar. Ingrid Gjoni, këngëtarja seksi që është dalluar gjithmonë për veçantinë që ka përcjellë përmes klipeve të saj, do të vijë shumë shpejt në ekranet shqiptare me videospotin më të ri, në bashkëpunim me kantautorin Stine.
Herë si një ballkanase sensuale, e herë si një Lady Gaga shqiptare, Ingridi ia ka dalë më së miri në këtë klip. E bukur si gjithmonë, me veshjet tejet interesante e ekstravagante, me aksesorët e zgjedhur me kujdes dhe makijazhin perfekt, Gjoni do të vijë në këtë klip si një ikonë e vërtetë mode. Format e rrumbullakosura ia shtojnë edhe më shumë hijeshinë këngëtares, e cila pa kurrfarë kompleksi pranon se ka shtuar pak në peshë.
Këngëtarja ka shpenzuar më shumë se 10 mijë euro, ashtu që klipi i realizuar nga "MAX Production", të jetë sa më i mirë dhe më i veçantë.

epo nga shoqeria nis dicka tjeter me pas