Ahmeti, Xhaferi, Mexhiti dhe Mehmeti adutët e BDI-së

Shkup, 21 prill - Partia shqiptare në pushtet Bashkimi Demokratik për Integrim, në seancën e mbrëmshme të kryesisë Qendrore, në Tetovë ka debatuar për listën e deputetëve të për zgjedhjet e parakohshme parlamentare.

Sipas burimeve të larta në partinë e Ahmetit në takimin e mbrëmshëm Kryesia Qendrore, ka caktuar bartësit e listave në njësitë në të cilat kjo parti do të garojë në zgjedhjet e 5 qershorit.

Sipas burimeve të sigurta, bartës liste në njësinë e parë zgjedhore do të jetë Kryetari aktual i komunës së Çairit, Izet Mexhiti, në njësinë e dytë bartës liste do të jetë deputetja aktuale, Ermira Mehmeti, në njësinë e pestë zgjedhore kjo parti do të del me Ministrin aktual të Pushtetit Lokal Musa Xhaferi, ndërsa ashtu siç edhe pritej, lideri i BDI-së, Ali Ahmeti do të garojë në njësinë e gjashtë zgjedhore.

Pas Ahmetit në njësinë e gjashtë do të renditen, Teuta Arifi, Abdilaqim Ademi, Talat Xhaferi, Adnan Jashari, Xhevat Ademi, etj.

BDI-ja, mendon që të garojë edhe në njësinë e tretë zgjedhore