Tableti HP TouchPad në shitje

Ndonëse ishte parashikuar që shitjet e TouchPad të nisnin në qershor, Walmart ka njoftuar se ka nxjerrë në treg tabletin e HP, që kushton 599 $.

Për të gjitha ata që nuk e kujtojnë këtë tablet, ky prototip ka një ekran 9.7-inch (1924 x 768) me prekje, një procesor Snapdragon 1.2 GHz, memorje të integruar 32 GB, një kamera ballore 1.3 megapikse, WiFi, Bluetooth dhe një portë hyrëse për kartë microSD.

Ndërkohë Walmart ka njoftuar se ka ulur me 30 $, tabletin Motorola Xoom. Sipas njoftimeve të këtij dyqani online, interesimi i përdoruesve për tabletët ka qënë mjaft i lartë.