Në fshatin Livadicë të Podujevës, nipi ka vrarë me armë zjarri axhën e tij, Imer Hamzën, 45-vjeç.
Sipas familjarëve, vrasja ka ndodhur nga një pakujdesi e të dyshuarit, Behram Hamza, 30-vjeç, për të cilin thuhet se është i sëmurë psikik dhe kohë më parë ka humbur edhe bashkëshorten në një aksident trafiku në fshatin Peran.
Ndërsa, sipas policisë, motivet e kësaj vrasje duket të kenë qenë për shkak të një mosmarrëveshjeje mes viktimës dhe të dyshuarit.
Këtë vrasje tragjike e ka konfirmuar edhe zyrtarja për informim e Policisë së Kosovës, Sabrije Kamberi.
Viktima pas vetes ka lënë bashkëshorten me dy fëmijë dhe po jetonte në një gjendje të rëndë socio-ekonomike. F. H.