Përfaqësuesja shqiptare do të rezikoj gjithçka për të fituar ndeshjen kundër Luksemburgut. Ndeshja Luksemburg-Shqipëri, e vlefshme për eliminatorët Euro 2012 do të zhvillohet sot në orën 20.15, në “Stade Josy Barthel” në Luksemburg.
Më herët trajneri i kombëtares shqiptare Kuzhe ka nënvizuar se në këtë ndeshje mungon gati e gjithë mbrojtja por me ndonjë përforcim dhe organizim më të mirë ekipi jonë “Kuq e Zi” do të tregojë vlerat më të mira në ndeshje.
Trajneri kroat Josip Kuzhe deklaroi se skuadra duhet të luftojë edhe pse ka mungesa në formacion. Ndërkohë, presidenti i Federatës Shqiptare të Futbollit, Armand Duka ngulmoi për një rezultat pozitiv nga kombëtarja shqiptare e futbollit.
Mësohet se jashtë formacionit mbeten lojtar si Bulku, Bakaj, apo Muzaka, ndërkohë që mesfusha do të përbëhet nga tre veteranët Lala, Skela, dhe Duro. Ndeshja e sotme e futbollit mes kombëtares së Shqipërise dhe Luksemburgut është e vlefshme për eleminatoret e Euro 2012.