Prishtinë, 22 janar - Policia e Kosovës prej nesër do të kontrollojë një pjesë të zonës kufitare me Maqedoninë.
KFOR-i do t’ia dorëzojë këtë kompetencë policisë së Kosovës nesër me një ceremoni të veçantë, ku do të nënshkruhet marrëveshja e dorëzim- pranimit të një pjese të kufirit, në jug të Dragashit. Në këtë ceremoni do të marrë pjesë vetë komandanti i KFOR-it, gjeneral major Erhard Byhler, zyrtarë të lartë të qeverisë së Kosovës, asaj maqedonase dhe ambasadorë të të dy vendeve.