Mondi Bordidrejtues
Anëtarësuar : 26/11/2010 Postime : 3474 Vendodhja : Always where I need to be...:) Mosha : 39
| Titulli: “Videoja”, ekspertët amerikanë zbulojnë aferën e Priftit Sat Feb 12, 2011 1:48 am | |
| Duket se ish-ministrit të Ekonomisë, Dritan Prifti, i kanë shkuar huq punët me videon e përgjuar me ish-shefin e tij, Ilir Meta. Ekspertët amerikanë që kanë hetuar videon e përgjuar, kanë zbuluar se në video është regjistruar edhe vetë Prifti duke marrë ryshfet 70 mijë euro. Prokuroria e përgjithshme ka bërë të ditur se pas ekspertizës që u është bërë materialeve të dorëzuara nga Dritan Prifti, përfshirë edhe kompjuterin e tij Lap Top, është arritur të zbulohet pjesa e regjistrimit në të cilën Prifti kishte regjistruar veten duke marrë 70 mijë euro ryshfet. Prifti i ka dorëzuar materialet filmike në datën 13 janar, por brenda videos kishte edhe një vetëregjistrim të tij, ku shfaqen edhe dy persona të tjerë duke diskutuar për një aferë prej 70 mijë euro. Videoja është regjistruar më 11 mars të vitit 2010, periudhë kur është regjistruar edhe videoja me ish-zëvendëskryeministrin Meta. Për këtë arsye, prokuroria kërkoi të shtunën zyrtarisht heqjen e imunitetit për deputetin Prifti, për akuzën e korrupsionit aktiv. Videoja e transmetuar javë më parë shkaktoi “tërmet” në politikën shqiptare, duke çuar në largimin e Metës nga dy postet qeveritare që mbante. | |
|