Trajnerja femër dëshiron t’i trajnojë meshkujt!

Berlin, 25 shkurt - Silvia Neid (46), fituese e Çmimit të përbashkët të FIFA-s dhe France Football si trajnerja më e mirë në futbollin e femrave në botë gjatë vitit 2010, ka vendosur që ndonjë ditë të udhëheqë ndonjë skuadër profesioniste.

“Jam e hapur për gjithçka. Pse mos të udhëheqë një ditë edhe meshkujt. Kam njohuri për futbollin të njëjtë siç kanë edhe kolegët e mi meshkuj, për shmebull Bernard Schuster ose Wolfgan Wolf”, ka thënë gjermania e guximshme, e cila aktualisht është trajnere e Kombëtares së futbollit të femrave të Gjermanisë.

Prioriteti i saj aktualisht është pjesëmarrja në Kampionain botëror i cili sivjet mbahet nga 26 qershori deri më 17 korrik në Gjermani. Futbollistët e saj duhet ta mbrojnë titullin e kampionit të cilin para katër viteve e kishin fituar në Kinë, kurse Gjermania ka qenë më e mira edhe në vitin 2003 në SHBAm por atëherë pa Neidin në bankinë.

Marrëveshje me federatën e futbollit ajo ka lidhur deri në vitin 2013. Për Gjermaninë luan edhe futbollistja shqiptare Fatmire Bajramaj.