Prishtinë, 10 prill - Haxhi Krasniqi ka shënuar fitoren e 35-të në boksin profesionist. Boksieri kosovar të shtunën mbrëma në Magdeburg të Gjermanisë fitoi me pikë pas tetë raundeve kundër ganezit me shtetësi gjermane, Ben Nsafoah. Krasniqi 24-vjeçar ka fituar të gjitha raundet. Ai bokson në kategorinë gjysmë të rëndë. Dueli i junikasit ishte parameç i luftës për titull të botës mes gjermanit Robert Stieglitz dhe Khoren Gevorit të Armenisë. Çka deklaroi për Kohën Ditore Haxhi Krasniqi lidhur me fitoren e mbrëmshme dhe kur do të boksojë për titullin e kampionit të botës mund të lexoni në faqet e sportit të së hënës të gazetës.