Tiranë, 12 prill - Nënkryetari i KLD-së, Kreshnik Spahiu, tha sot se heqja e imunitetit të zyrtarëve të lartë duhet të fillojë nga sistemi i drejtësisë.
Sipas Spahiut, i cili ishte i pranishëm në tryezën e organizuar nga Bashkimi Europian dhe Komisioni Europian për imunitetin e politikanëve, imuniteti është pengesë për luftën me sukses ndaj korrupsionit në Shqipëri dhe për këtë arsye duhen bërë ndryshime në Kushtetutën e vendit.
Duke theksuar se gjyqtarët nuk duhet ta përdorin si mburojë imunitetin, Spahiu tha se "imuniteti ka shkaktuar pabarazi të theksuara të qytetarëve me politikanët dhe gjyqtarët duke i bërë ata pjesë e dorës së dytë në shoqëri dhe duke i shndërruar politikanët dhe gjyqtarët në një pjesë të privilegjuar dhe të paprekshme nga ligji"
"Kjo pabarazi duhet të shuhet përfundimisht pasi ajo ka nxitur rëndë korrupsionin politik dhe atë gjyqësor", vuri në dukje Spahiu.
Anëtarësuar
Titulli: Spahiu: Imuniteti pengesë për të luftuar korrupsionin 
