sweety Bordidrejtues
Anëtarësuar : 29/04/2011 Postime : 2345 Vendodhja : sarande Mosha : 31
| Titulli: Zgjedhjet, BE, sot ultimatumi ndaj Tiranës Mon Jun 20, 2011 1:27 am | |
| Rritet në një shkallë më të lartë alarmi i Bashkimit Europian mbi situatën aktuale paszgjedhore në Shqipëri. Sot, ministrat e Jashtëm të 27 vendeve të BE-së diskutojnë në Luksemburg, krizën shqiptare dhe pas saj do të hartohet një deklaratë e posaçme. Sipas gazetes "Shqip", Këshilli i Ministrave të Jashtëm do të shqyrtojë situatën në Shqipëri, në veçanti procesin zgjedhor, i cili po vëzhgohet nga afër.
Këshilli pritet që t’u bëjë thirrje liderëve politikë të mbështesin përfundimin e procesit në mënyrë të qetë, konstruktive dhe në fokus duhet të kenë të ardhmen europiane. Këshilli po pret gjithashtu që autoritetet të ndjekin hapat e duhura në axhendën e reformës për të arritur standardet e kërkuara për integrimin në BE. Do të vazhdojë angazhimi i BE-së për të ndihmuar Shqipërinë në këtë drejtim.
| |
|