Podgoricë, 24 gusht - Policia kufitare e Malit të Zi ka kapur dje në pikëkalimin kufitar Kulla 10 kilogram drogë të tipit skano dhe ka arrestuar Hajrullah Veisiun (34) nga Peja, me dyshimin se është përpjekur të kontrbanadojë drogë nga Kosova në Malin e Zi.
Drejtoria e Policisë së Malit të Zi ka njoftuar se gjatë kontrollit të automjetit të tipit “Pegaut 309”, që drejtohej nga Veisiu, janë gjetur 17 pako me rreth dhjetë kilogram skank.
I dyshuari Veisiu, me kallëzim penal, do t’i dorëzohet gjykatësit hetues të Gjykatës së lartë në Bijello Pole, me dyshim të bazuar se ka bërë vepër penale të prodhimit të pautorizuar, mbajtje dhe vënie në qarkullim të drogës, theksohet në njoftimin, të cilin e transmetojnë mediat malazeze.