Redon Makashi fitues i “Kënga Magjike 2011”

Redon Makashi është shpallur fitues i Festivalit të përvitshëm “Kënga Magjike 2011”. Ai garoi në këtë festival me këngën “Më lër të fle”. Me një diferencë të theksuar votash, Redon Makashi morri shumicën e votave të 48 këngëtarëve dhe grupeve pjesëmarrëse.

Fitorja erdhi pasi vetë këngëtarët ishin juria që zgjidhte përmes sistemit të pikëve nga 1 deri në 20, këngëtarin dhe këngën më të mirë të këtij festivali. Për herë të parë, votimet u bënë të hapura dhe secili këngëtar e shihte direkt votën e dhënë nga kolegët.

Pas shpalljes fitues, Redon Makashi u shpreh se ky është çmimi i parë fitues pas 22 vitesh karriere.

"Emocionet janë të mëdha ndaj nuk mund të them më asnjë fjalë. I përshëndes të gjithë artistët pjesëmarrës, edhe ata që nuk i kam votuar, përshëndes edhe këtë publik të mrekullueshëm”, iu drejtua këngëtari i njohur, të pranishmëve në sallën e Pallatit të Kongreseve ku për tre net me radhë u zhvillua festivali i përvitshëm i muzikës së lehtë mbarëshqiptare.

Në natën e sotme finale, Ardit Gjebrea kishte të ftuar speciale edhe aktoren turke që luan rolin e Gymysh në serialin turk Gymysh ndërsa nuk mungoi as humori i Agron Llakajt. /albeu.com/

Kënga Fituese

Më poshtë ju sjellim listën e plotë të fituesve:

Kontributi në Kënga Magjike 2011: Alberie Hadërgjonaj - Vetëm ty
Best Performanc: Rezarta Shkurta - Te jesh e mirë s’mjafton
Best Balad: Devis Xherahu -Akoma s’e besoj
Best Ft: Ronela Hajati & Visari - Neles
Çmimi Televiziv: Era Rusi - Një Lamtumirë
Çmimi Diskografik: Rozana Radi dhe Mc Kresha - Jabadabadu
Magjia e parë: Adelina Tahiri- Mos u kthe
Çmimi i Internetit: Noizy - Shooting Star
Çmimi Best Dance: Ermal Mamaqi - Vetëm beso
Çmimi: Best Hip Hop Big Basta & Angelo- Si Melodi
Çmimi Çesk Zadeja: Jonida Maliqi -Thesar pa emër
Çmimi i Interpretimit: Greta Koci- Pyes veten
Kënga Hit: Dr. Flori -S'ma ndjen
Çmimi i Kritikës: Besa Kokdhima - Botën do ndryshoja
Çmimi Best Lyrics: Rosela Gjylbegu - Sikur të isha ti
Çmimi Best Vokal: Kejsi Tola - Më jeto
Çmimi Kantautori: Redon Makashi & Arb - Më lër të fle
Çmimi i Pruduksionit: Leonora Jakupi - Këngë e pa kënduar
Çmimi AMC: Olta Boka - Anna
Çmimi Tendencë: Eranda Libohova & Aldo - Pa Problem
Çmimi Kënga Stil: Pirro Çako & Vedat - Bujë vetëm bujë.