Troja “e kall” publikun e Prishtinës

Megjithëse koncerti i grupit “Troja” mbrëmë ka filluar me vonesë, adhuruesit e këtij grupi janë ndarë të kënaqur me atmosferën dhe performancën e rokerëve.

Koncerti, i organizuar për 28 nëntorin, Ditën e Flamurit, me moton “Shkun 99 vjet e hajt”, ishte paraparë të fillojë rreth orës 20:00. Me një orë vonesë, në skenë të parët u ngjitën anëtarët e grupit “Garazhat e Bardha”, të cilët hapën koncertin që më vonë vazhdoi edhe me grupe të tjera të muzikës rok.

Rreth orës 22:30 në skenë u ngjit grupi “Troja” që ngjalli atmosferën në sallën “1 Tetori” të Prishtinës. Edhe pse pak me vonesë, Troja me këngët e tyre bëri një natë festive shumë të gjallë.

Koncerti ka vazhduar deri pas mesnatës, duke u e përmbyllur me këngët si “Mbretëresha kohë” dhe “Amaneti i Clownit”. /Telegrafi/