Melbourne, 20 janar - Reketi numër dy në botë, zvicerani Roger Federer, me shumë mund ka arritur të kalojë raundin e dytë të Grand Slam turneut të tenisit "Australian Open". Federer që është kampion në fuqi i këtij grand slami, të mërkurën në raundin e dytë mposhti francezin Gilles Simon me 3:2 në sete (6:2, 6:3, 4:6, 4:6 dhe 6:3). Federer pranoi se ishte me fat që e mposhti Simonin.
"Unë kam qëndruar i qetë dhe kjo më është shpaguar. Isha me fat. Jam i lumtur pasi ende jam në turne. Unë nuk luajta dobët në setin e tretë dhe të katërt, por Gilles luajti mirë. Ai është lojtar fenomenal. Përballjet me të asnjëherë nuk janë të lehta. Shpresoj të mos ndeshem me të më", ka thënë Federer, raportojnë mediat e huaja.
Simon pati mposhtur Federerin në dy përballjet e kaluara dhe dukej se do të bënte të njëjtën gjë edhe të mërkurën. Francezi është vetëm njëri nga tre tenistët në listën e ATP-së që ka bilanc pozitiv në përballje me Federerin.
"Ai luan shpejt, lëviz shpejt dhe është impresionues. Nuk ka shumë tenistë që mund të luajnë në nivel të tillë", ka thënë Simon.
Një përballje të vështirë të mërkurën pati edhe tenistja e famshme amerikane Venus Williams. Williams bartësja numër katër në "Australian Open", gati sa nuk u detyrua të dorëzojë meçin e raundit të dytë kundër çekes Sandra Zahlavova, për shkak të një dëmtimi të ijës. Williams humbi setin e parë me rezultatin 7:6, mirëpo u kthye në lojë dhe me dhembje mposhti çeken në dy setet tjera 6:0 dhe 6:4.
Rezultatet e së mërkurës:
Meshkujt:
Stakhovsky - Kubot 6:3, 6:4, 6:4
Berdych - Kohlschreiber 4:6, 6:2, 6:3, 6:4
Mayer - Nishikori 4:6, 3:6, 6:0, 3:6
Fish - Robredo 6:1, 3:6, 3:6, 3:6
Roddick - Kunitsyn 7:6, 6:2, 6:3
Paire - Ljubiqiq 3:6, 7:6, 4:6, 6:7
Tipsareviq - Verdasco 6:2, 6:4, 4:6, 6:7, 0:6
Almagro - Andreev 7:5, 2:6, 4:6, 7:6, 7:5
Haase - Monaco 6:4, 6:4, 3:6, 6:2
Mannarino - Gascquet 3:6, 6:7, 4:6
Troicki - Mahut 6:4, 6:2, 1:6, 6:3
Montanes - Malisse 4:6, 0:6, 1:6
Wawrinka - Dimitrov 7:5, 6:3, 6:3
Dodig - Gjokoviq 5:7, 7:5, 0:6, 2:6
Gil - Monfils 4:6, 3:6, 6:1, 2:6
Simon - Federer 2:6, 3:6, 6:4, 6:4, 3:6
Femrat:
Wozniacki - King 6:1, 6:0
Henin - Baltacha 6:1, 6:3
Rus - Kuznetsova 1:6, 4:6
Kulikova - Scheepers 4:6, 6:4, 5:7
Brianti - Cibulkova 1:6, 6:4, 2:6
Hlavackova - Azarenka 4:6, 4:6
V. Williams - Zahlavova 6:7, 6:0, 6:4
Manasieva - Bartoli 3:6, 6:3, 6:0
Marino - Schiavone 3:6, 7:5, 7:9
Razzano - Sharapova 6:7, 3:6
Kanepi - Goerges 4:6, 6:3, 4:6
Pironkova - Niculescu 4:6, 1:6
Wickmayer - Sevastova 4:6, 2:6
Li - Rodina 6:3, 6:2
Keothavong - Petkoviq 6:2, 5:7, 0:6
Dokiq - Zahlavova Strycova 6:7, 1:6