Ramkovskit, edhe 30 ditë paraburgim

Shkup, 21 janar - Kolegji penal pranë Gjykatës themelore Shkupi 1, pronarit të televizionit A1 Velija Ramkovski, si dhe 13 ish drejtorëve dhe drejtorë aktualë të firmave, u ka shqiptuar edhe nga 30 ditë paraburgim. Ky vendim është marrë një ditë para skadimit të paraburgimit të mëparshëm 30 ditësh, të cilin në dhjetor 2010 e shqiptoi gjykatësi hetues për rastin ‘Merimanga’.
Jo zyrtarisht, sipas burimeve të gjykatës, paraburgimi është zgjatur për të parandaluar ndikimet eventuale ndaj hetuesisë, por edhe që të mos e përsërisin veprën.
Sipas kryetares së Gjykatës themelore Shkupi 1, Lidija Nedelkovska, hetimi për rastin 'Merimanga' vazhdon me marrjen në pyetje të dëshmitarëve të rinj deri në mbarim të janarit. “Do të prezantohen edhe provat e masave të posaçme të hetuesisë”, ka thënë ajo.