Prishtinë, 17 shkurt - Përfaqësuesja e Kosovës në basketboll ka humbur ndeshjen finale të turneut ndërkombëtar për nder të Ditës së Pavarësisë. Kosova u mposht nga ekipi i ligës së dytë kroate, Zrinjevac, të enjten mbrëma në Prishtinë me shifrat 59:64.
Ljubo Prgomet me 17 pikë dhe Ivan Peniq me 15 ishin më efikasët në triumfin e ekipit kroat.
Te Kosova, më efikasi ishte Edmond Azemi me 16 pikë, i ndjekur nga Samir Shaptahoviqi me 13 pikë e gjashtë asistime. Samiri u shpall edhe basketbollisti më i mirë i turneut.
Në ndeshjen për vend të tretë Liria e Tetovës mundi Tiranën me rezultat të ngushtë 88:86, pas lojës shtesë.