Has, gjendet i vetëvarur në banesë një 30-vjeçar

Një 30-vjeçar nga një fshat i largët i rrethit të Hasit është gjetur i vetëvarur të dielën në mbrëmje në banesën e tij.

Burime zyrtare të policisë lokale bëjnë të ditur se ngjarja ka ndodhur në fshatin Gjinaj, rreth 30 km larg qytetit të Krumës, ku familjarët kanë gjetur të varur në një nga dhomat e shtëpisë djalin e tyre Korab Selaj.

Me gjithë ndërhyrjen e familjarëve, 30 vjeçari nuk arriti të mbijetonte. Mësohet se në vendngjarje kanë mbërritur forcat e policisë, të cilat kanë nisur hetimin për zbardhjen e shkaqeve të ngjarjes.