Nga sot Kosova me targa të reja

Prishtinë, 6 dhjetor - Nga sot në Kosovë fillon përdorimi i targave të reja për automjetet. Ceremonia e dhënies së targave të reja të Republikës së Kosovës do të mbahet në orën 11, në të cilën pritet të marrë pjesë edhe ministri i Punëve të Brendshme, z. Bajram Rexhepi.
Ceremonia e dhënies së targave do të bëhet në Qendrën e Regjistrimit të Automjeteve
në Prishtinë (te kontejnerët), që gjendet në hapësirat mbrapa Pallatit të Shtypit në Prishtinë, bën të ditur përmes një njoftimi Zyra për komunikim publik e Ministrisë së Punëve të Brendshme të Kosovës.