Mondi
Bordidrejtues
 Anëtarësuar : 26/11/2010
Postime : 3474
Vendodhja : Always where I need to be...:)
Mosha : 39
 |  Titulli: Thaçi: Dialogu rezulton me njohjen e Kosovës nga Serbia Mon Mar 07, 2011 1:09 am | |
|  Në bazë të kërkesës së Qeverisë, Kuvendi të hënën e filloi debatin parlamentar për bisedimet teknike me Serbinë.
Në rend të ditës është vetëm kjo pikë, ndërsa të pranishëm janë 107 deputetë. Pritet që debati të jetë i nxehtë, ngase partitë opozitare nuk pajtohen me një draft-rezolutë të përgatitur nga Qeveria lidhur me bisedimet që fillojnë të martën në Bruksel.
Në arsyetimin e kërkesës së Qeverisë që Kuvendi të debatojë dhe të miratojë një rezolutë që do të legjitimonte fillimin e bisedimeve, kryeministri Hashim Thaçi tha se ky është një hap i Kosovës evropiane për të filluar përpjekjet për normalizimin e marrëdhënieve fqinjësore me Serbisë.
“Për herë të parë përfaqësues të Kosovës do të mund të ulën të barabartë me përfaqësuesit e Serbisë si dy shtete të pavarura dhe sovrane”, tha Thaçi
Sipas tij, Qeveria do të angazhohet në dialogut teknik e përkushtuar për të përmirësuar jetën e qytetarëve dhe stabilitetin e rajonin, si dhe hapjen e rrugës për integrime euro-atlantike
“Çështja e problemeve të trashëguara është çështje e pashmangshme, çështja e të pagjeturve dhe dokumentacioneve. Dialogu teknik do të ketë përsipër normalizimin e marrëdhënieve ndërshtetërore”, tha Thaçi.
Sipas tij, Statusi i Kosovës është i panegociueshëm, dhe se dialogu teknik paraqet fazën drejt integrimeve euro-atlantike - liberalizmin e vizave dhe integrim në BE dhe NATO.
Thaçi tha se në këtë dialog do të jenë të pranishëm përfaqësues të BE-së dhe SHBA, ndërsa ky fillim i dialogut do të rezultojë me njohjen e Kosovës nga ana e Serbisë. | |
|
