New York, 19 maj - Lakeysha Beard (39 vjeçare) nga SHBA është arrestuar, pasi që me zë të lartë foli me celularin e saj për 16 orë gjatë kohës së udhëtimit me tren.
Beard kishte injoruar kërkesat e pasagjerëve të tjerë për të ndërprerë bisedën. Treni po udhëtonte nga Oakland në Kaliforni për në Portland (Oregon), transmetojnë mediet amerikane.
Personeli i trenit u përpoq të paralajmërojë Beardin, në çka ajo reagoi ashpër. Pas kësaj ndodhi përleshja verbale, dhe intervenimi i policisë.
Treni u ndalua në afërsi të Salemit në Oregon, ku u futën policët dhe arrestuan Beardin e akuzuar për prishje të qetësisë.
Ajo ka pranuar se ka folur me telefon, por kjo nuk është arsye për arrestimin e saj.