Mondi
Bordidrejtues
 Anëtarësuar : 26/11/2010
Postime : 3474
Vendodhja : Always where I need to be...:)
Mosha : 39
 |  Titulli: Teuta Kurti drejt finales Sat May 21, 2011 1:54 am | |
|  Këngëtarja Teuta Kurti është mjaft e suksesshme në çdo paraqitje të saj në festivale. Ajo së fundi ka arritur të shkojë deri në finale në festivalin “Top Fest 8”, ku është paraqitur me këngën “Perëndo pa lindur”, këngë kjo e realizuar nga Ilir Tolaj i cili e ka bërë kompozimin dhe orkestrimin, ndërsa tekstin e ka realizuar Pleurat Kurti.
Sipas Teutës, kjo këngë vazhdon të pëlqehet në publik, është një sukses i madh i saj sepse arriti të shkojë deri në finale dhe shumë shpejt do të dihet a do të shpërblehet me ndonjë çmim.
“Jam shumë e lumtur që fillimisht kënga po pëlqehet në publik, jam e kënaqur që arriti të shkojë deri në finale. Më 5 qershor është mbrëmja e fundit e festivalit dhe aty do të kuptohen edhe çmimet. Mirëpo për mua çmimet nuk janë të rëndësishme, kryesorja është që kënga po pëlqehet në publik. Kënga është me motive etno-shqiptare, kam shumë besim në këngën time që mjafton se arriti sukseset e merituara”, ka thënë ajo për “Zërin”.
Teuta tani është e angazhuar edhe në Filarmoninë e Kosovës, vazhdon të mbajë mbrëmje të ndryshme muzikore brenda dhe jashtë vendit. Në të ardhmen mendon të realizojë edhe disa projekte të reja prej të cilave pret suksese. | |
|
