Ndryshohet edhe prania civile ndërkombëtare në Kushtetutë?

Kryetari i Komisionit për ndryshime kushtetuese, Arsim Bajrami tha të martën se do të bëj kërkesë në Kuvendin e Kosovës që Komisionit që ai udhëheq t’i jepet mandati edhe për ndryshimin e pikave tjera të Kushtetutës, dhe jo vetëm të çështjes së presidentit.

Sipas tij, nëse Kuvendi i jep mandatin këtij Komisionit, atëherë Kushtetuta e vendit do të ndryshojë edhe nenin ku flet për prezencën civile ndërkombëtare.

Po ashtu, sipas Bajramit do të ndryshojnë edhe balancat e pushtetit, për faktin që derisa presidenti zgjidhet direkt nga populli atëherë edhe fuqia e t’i do të jetë më e madhe.

Një tjetër ndryshim që pritet të bëhet është që vendet e rezervuara për minoritetet do të jenë vende të garantuara për ta.

Nëse të gjitha këto ndryshime ndodhin, atëherë sipas kryetarit të Komisionit për ndryshime kushtetuese, Kushtetua e vendit do të jetë akti më i lartë juridik i vendit, e jo Pakoja e Ahtisaarit, siç është aktualisht.