Prishtinë: Pengohet një tubim i PDK-së

Prishtinë, 6 dhjetor 2010 (20:30)
Partia Demokratike e Kosovës (PDK), është penguar të mbajë një tubimin e saj në Kodrën e Trimave në Prishtinë në shkollën "Zenel Hajdini". Simpatizantë të Lidhjes Demokratike të Kosovës (LDK), kanë thyer edhe xhamat e shkollës gjatë kohës kur po mbahej tubimi parazgjedhor i PDK-së.
Incidenti i shkaktuar nga militantët e LDK-së kanë bërë që të anulohet pjesëmarrja në tubim e liderit të PDK-së, Hashim Thaçi.
Militantë të LDK-së kanë hedhur gurë në dritaret e shkollës, duke thirrë emrin e kryetarit të LDK-së, Isa Mustafa, ndërsa jashtë objektit ka pasur edhe përleshje fizike.
Kjo ka bërë që në vend ngjarje të shtohen edhe forcat e Policisë së Kosovës, prej të cilave është qetësuar situata./kosovapress/