[img]
[/img]
Prishtinë, 25 shkurt - Lëvizja Vetëvendosje sot kurorëzoi siç e quajtën ata, ”martesën” e lumtur në mes të kryeministrit të Kosovës Hashim Thaçit dhe presidentit Behgjet Pacolli.
Sipas Vetëvendosjes, kontribut të madh në kurorëzimin e kësaj martesa ka dhënë edhe ambasadori amerikan Christopher Dell. Ai ka qenë ”mësit” i këtij bashkimi pohuan aktivistët.
Për Vetëvendosjen ky kurorëzim për Thaçin e Pacollin simbolizon lumturi, ndërkaq për popullin e Kosovës simbolizon hajni. Aktivistët e Vetëvendosjes edhe kësaj radhe kritikuan, siç e quajtën ata ”martesën”, e cila u kurorëzua pas një lidhje të gjatë e të fshehtë në mes Pacollit e Thacit, e filluar qysh në kohën e presidentit Sejdiu.
Vetëvendosja paralajmëroi aktivitete shtesë për ndalimin e negociatave me Serbinë dhe për ndalimin e privatizimit të pasurisë shtetërore.
“Ne nuk do ta përfaqësojmë popullin vetëm në Parlament por edhe në rrugë, me aktivitete, protesta e demonstrata”, theksuan aktivistët e Vetëvendosjes.