Tiranë, 8 në pranga, shitnin biletat Francë-Shqipëri me trefishin e vlerës

Skuadra e antikrimit ekonomik dhe komisariati numër 1 i policisë së Tiranës, realizuan një aksion pasditen e të enjtes për kapjen e personave që shitnin biletat e ndeshjes Shqipëri-Francë mbi çmimin e caktuar nga Federata Shqiptare e Futbollit.

Tetë persona u shoqëruan në polici pasi u kapën duke shitur biletat e ndeshjes së vlefshme për eliminatorët e Kampionatit Europian 2012 me trefishin e vlerës reale. Të shoqëruarit do të procedohen në gjendje të lirë, raportoi Klan.

Kjo është edhe ndeshja e fundit që do të luhet në stadiumin Kombëtar “Qemal Stafa”, pasi fillon puna për shembjen dhe restaurimin e tij.