I riu amerikan, Rodney Knight Jr., meriton plotesisht pozitat me te larta në listën e "hajdutëve më budallenj të botës".
Një ditë më parë, ai eshte detyryar të pranoje para policisë së Washingtonit vjedhjen e bërë gjate dhjetorit te kaluar.
Hajduti kishte hyrë në shtëpinë e një gazetari të Washington Post, Mark Fisher, ku kishte vjedhur dy kompjutera lap top, një pallto dimërore dhe 400 dollarë. Ai do t'ia hidhte pa lagur nëse nuk do t'i kishte një ide te marrë pak pas vjedhjes.
Para se të dilte nga shtëpia e gazetarit, ai i ka bërë vetes një foto me gjërat e vjedhura në dorë. Dhe sikur kjo të mos mjaftonte, ai ka vendosur të publikojë foton në Facebook, duke e bërë të dukshme për rreth 400 të rinj në Washington.
Agjentëve të policisë u janë dashur disa ditë të gjejnë hajdutin, të cilit nuk i ka mbetur gjë tjetër veçse të pranonte krimin e bere publik nga vete ai.