Ka kaluar një fazë të parë të vështirë në Itali, duket se 2012-a do të nisë me këmbë të mbarë për Lorik Canën.
Mediat italiane dje kanë njoftuar se mesfushori shqiptar do të zbresë sot titullar në sfidën që Lacio do të luajë në transfertë përballë Sienës. Trajneri Edi Reja ka vendosur të luajë me modulin 4-4-2, i cili e ka ulur në stol Hernanesin. Braziliani, i ardhur nga një dëmtim në muskujt e këmbës, nuk është ende në formën më të mirë dhe prandaj nuk do të luajë që në minutën e parë.
Shqiptari Cana do të zbresë përkrah Ledesmës në qendër të mesfushës, ndërsa Luliç e Skulido do të vendosen në krahë. Në mbrojtje Skaloni do të luajë në të djathtë në vend të dëmtuarit Konko. Në sulm Kise ka fituar konkurrencën me Rokin. Ndërsa sulmuesi tjetër do të jetë gjermani Klose.
Anëtarësuar
Titulli: Lorik Cana, titullar. Sot kundër Sienës 
